楊洛婷透露蝕讓傲瀧原因　持貨6年澄清蝕5球報道不實

前港姐亞軍楊洛婷丈夫、樂隊Dear Jane主音黃天翱（Tim）本月初以1828萬元出售持貨6年的西貢傲瀧單位，據指蝕逾500萬元。

該3房單位實用面積1183方呎，楊洛婷接受TOPick訪問表示，首先對網上有留言指他們夫婦很有錢要作澄清，指夫妻亞人多年都很努力工作，希望給小朋友有個好成長環境。

然後，楊洛婷稱：「層樓係2018年高位入手，因為睇樓時阿Tim好鍾意個景，囡囡入到去又好開心，所以就買入。」她回憶稱，一家當在附近行山、去沙灘玩，而且住得很舒服，期間懷第二胎、丈夫事業起飛等也是住在此屋，所以該單位對一家人都有很多美好回憶。

▼點擊圖片放大

+8

+7

為方便孩子搬屋

至於為何決定搬家，她解釋：「囡囡之前學校在北角，車佢返學要過兩條隧道，車程成粒鐘，仲要湊埋細仔出去太吃力，所以為咗方便小朋友讀書，一早計劃要搬返出市區，而佢哋喺市區都有物業，所以就賣咗傲瀧俾佢老爺個朋友個朋友，並唔係有報道所指賣俾老爺。」

她坦承蝕錢，但實數未肯定，說：「唔知有報道點計（蝕）5球出嚟，咁大家就跟住寫。」她透露投資有賺有蝕，之前在其他投資也有賺過，說：「今次就蝕咗，打個和。」因此坦言就算蝕讓也沒有不快，並稱兩公婆會繼續努力工作：「而家都有睇下樓，最緊要俾到個好環境小朋友健康快樂成長。」

最新影片推介：

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5